Today: 24 Jun 2024 GMT   Tell Your Friend
Advertisements
മെക്സിക്കോയ്ക്ക് ആദ്യ വനിതാ പ്രസിഡന്റ്, ഇടതുപക്ഷത്തിന്റെ വിജയം
Photo #1 - Other Countries - Otta Nottathil - first_woman_president_mexico
മെക്സിക്കോ സിറ്റി: മെക്സിക്കോയുടെ ഇരുനൂറ് വര്‍ഷത്തെ രാഷ്ട്രീയ ചരിത്രത്തില്‍ ആദ്യമായി ഒരു വനിത പ്രസിഡന്റായി തെരഞ്ഞെടുക്കപ്പെട്ടു. ഇടതുപക്ഷത്തിന്റെ പ്രതിനിധിയായ ക്ളോഡിയ ഷെയ്ന്‍ബാം ആയിരിക്കും രാജ്യത്തിന്റെ പുതിയ പ്രസിഡന്റ്.

ക്ളോഡിയ 2018ല്‍ മെക്സിക്കോ സിറ്റിയുടെ ആദ്യ വനിതാ മേയറായപ്പോള്‍ രാജ്യത്തെ ഏറ്റവും സ്വാധീനശേഷിയുള്ള രാഷ്ട്രീയ പദവികളിലൊന്നായി അത് മാറിയിരുന്നു. ബി.ബി.സിയുടെ 2018ലെ ശക്തരായ 100 വനിതകളിലൊരാളായും ഇടംപിടിച്ചിരുന്നു.

തെരഞ്ഞെടുപ്പിന്റെ പ്രാഥമിക ഫലം പുറത്തുവന്നപ്പോള്‍ തന്നെ ക്ളോഡിയ അറുപത് ശതമാനത്തോളം വോട്ട് നേടിക്കഴിഞ്ഞിരുന്നു. മെക്സിക്കന്‍ ഇടതുപാര്‍ട്ടിയായ "മൊറേന'യുടെ സ്ഥാനാര്‍ഥിയായാണ് ഇവര്‍ മല്‍സരിച്ചത്. മുഖ്യ എതിരാളിയും വ്യവസായ പ്രമുഖയുമായ സോഷിത് ഗാല്‍വസ് ബഹുദൂരം പിന്നിലാണ്.

1810ലെ സ്വാതന്ത്ര്യപ്രാപ്തി, 1858ലെ ചര്‍ച്ചും രാഷ്ട്രവും വേര്‍തിരിക്കപ്പെട്ട "നവീകരണ യുദ്ധം', 1910ലെ മെക്സിക്കന്‍ വിപ്ളവം എന്നീ മുന്നേറ്റങ്ങള്‍ക്കുശേഷമുള്ള മെക്സിക്കന്‍ ചരിത്രത്തിലെ നാലാമത്തെ വലിയ പരിവര്‍ത്തനമായാണ് ക്ളോഡിയയുടെ വിജയത്തെ പാര്‍ട്ടി വിലയിരുത്തുന്നത്.

ബള്‍ഗേറിയയില്‍നിന്നും മെക്സിക്കോയിലേക്ക് കുടിയേറിയ ജൂത കുടുംബത്തിലെ അംഗമാണ് ക്ളോഡിയ. മെക്സിക്കോയിലും കാലിഫോര്‍ണിയയിലുമായി ഉന്നത പഠനം നടത്തിയ ഇവര്‍ ഊര്‍ജ്ജത്തെയും പരിസ്ഥിതിയെയും സുസ്ഥിര വികസനത്തെയും സംബന്ധിച്ചുള്ള 100 ലധികം ലേഖനങ്ങള്‍ രചിച്ചു. കാലാവസ്ഥാ പ്രതിസന്ധി പരിഹരിക്കുന്നതിനുള്ള ഇന്റര്‍ ഗവണ്‍മെന്റല്‍ പാനലിലേക്കടക്കം സംഭാവനകള്‍ അര്‍പ്പിച്ചു.

സ്ഥാനമൊഴിയുന്ന പ്രസിഡന്റ് ഒബ്രഡോറിന്റെ പുരോഗമന സമീപനം തുടരുമെന്ന് അറുപത്തൊന്നുകാരി ഉറപ്പു നല്‍കി. 'നിങ്ങള്‍ തോല്‍ക്കാന്‍ ഞാന്‍ ആഗ്രഹിക്കുന്നില്ല' എന്നാണ് തന്റെ പ്രസംഗത്തില്‍ അവര്‍ വോട്ടര്‍മാരോട് പറഞ്ഞത്.
- dated 05 Jun 2024


Comments:
Keywords: Other Countries - Otta Nottathil - first_woman_president_mexico Other Countries - Otta Nottathil - first_woman_president_mexico,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us